Ish fituesi i “Big Brother Albania 2” që është bërë përsëri pjesë i formatit më të ndjekur në Shqipëri, Qetsor Ferunaj e sheh veten si pretendent për të kapur finalen.
Madje dhe si fitues i çmimit të madh të këtij edicioni. Teksa po bisedonte me Luizin dhe Oltën, ai tha që ka ardhur të fitojë çmimin e madh.   

   Teksa rrethi bërthamë po ngushtohet që nga dalja e Armaldos, që ishte një ndër banorët pretendent për të shkuar në finale, kjo gjë ka ndryshuar rrjedhën e ngjarjeve brenda shtëpisë. Luizi, Olta dhe Qetsori thonë se ata të tre janë në finale. Olta i tha Luizit se nëse ajo shkon dorë për dore me të në finale, ka menduar që çmimin e madh ta ndajë me të.
   Ajo tha se nuk e ka vendosur akoma, por se një gjë të tillë e ka menduar. Luizi nga ana tjetër u shpreh se nëse ai është finalist me Oltën, ai do i marri të gjitha paratë për vete.   

   Ai madje tha se me ato para, ka dëshirë të blejë një apartament, pasi në Tiranë jeton me qira. Olta i tha Luizit se do ia blejë ajo apartamentin që të jetojë me Kiarën.