Vetëm një ditë pas eliminimit nga shtëpia e “Big Brother VIP Albania 2”, Kiara Tito flet sot për rrugëtimin e saj ekskluzivisht për “Fan Club”. Por sapo intervista filloi, pasi pa klipin me momentet e përbledhura brenda shtëpisë së Big Brother Vip, Kiara Tito u përlot.

   Moderatorja, e cila kaloi plot 90 ditë brenda shtëpisë më të famshme në vend, tha se iu kujtuan të gjitha momentet e bukura që ka kaluar, veçanërisht dasma me Luizin. Një ndër momentet me kulminante për të brenda shtëpisë, ku zyrtarizoi dhe lidhjen me këngëtarin, pas një muaji që ai këmbënulte dhe i shkonte nga pas për t’ia fituar zemrën.

“Tani më duket sikur më ka ikur një pjesë e shpirtit tim. Kam kaluar 90 ditë aty brenda”, u shpreh Kiara. E pyetur nga moderatorja Megi Pojani nëse do të bënte diçka ndryshe, Kiara tha se “nuk kam për çfarë të bëhem pishman”.

  “Diskutime çiftesh kemi të gjithë. Është mëse normale të debatosh dhe t’i kërkosh llogari partnerit tënd. Dhe ne pas 5 minutash, kemi përqafuar, jemi puthur”.

Moderatorja la mbrëmë shtëpinë dhe u shpreh se nuk fitoi çmimin e madh, por dashurinë.