Dojna Mema pas një pauze të gjatë në ekran u ka dhënë mundësi ndjekësve ta pyesin në Instagram rreth kurioziteteve të ndryshme rreth saj, ku sigurisht, nuk ka munguar pyetja: “Kur do të rikthehesh në ekran”.

Dojna Mema ishte për herë të fundit prezantuese e “Big Brother Fan Club 1”, ndërsa më vonë u shkëput nga ekrani pas ardhjes në jetë të fëmijës së saj të parë, Nolan Sol.

Pas pyetjes së ndjekësve ajo premtoi se së shpejti do ta shohim në ekran me një program të ri, megjithatë nuk nguron të shprehet kritike për programet aktuale duke cituar se nuk e stimulojnë aspak.

“Ajo që po ndodh aktualisht në media nuk është situata më stimuluese për formën si unë e shoh median, atë që media duhet të përfaqësojë. Edhe për formën si unë e shoh rolin e moderatorit, prezantuesit, gazetarit, personit që është në vijë të parë dhe në kontakt direkt me publikun. Le të themi se aktualisht që flasim asnjë nga programet, që bëhet nuk më stimulon aspak. Por, ju do më shihni shumë shpejt. Ashtu si ju dëshiron të më shihni”- tha Dojna.