Aksidentet janë një dukuri e zakonshme në sheshxhirimin e Hollivudit. Sigurisht, vetë natyra e disa filmave ose shfaqjeve televizive i bën aksidentet dhe incidentet shumë më të mundshme se të tjerët.

Ky ishte pikërisht fati që përjetoi Anne Hathaway gjatë fotografimit kryesor për filmin Interstellar nga regjisori Christopher Nolan.

Filmi tregon udhëtimin e një grupi astronautësh që eksplorojnë nëpër një vrimë të zezë në kërkim të një shtëpie të re për njerëzimin.

Anne Hathaway luajti rolin e Dr. Amelia Brand dhe tregoi se e ka pasur të vështirë xhirimin e skenave të filmuara në Islandë teksa rrëfen se iu rrezikua edhe jeta.

“Ishim në kushte mjaft të vështira. Ishim në Islandë, dhe duhet të xhiroja në ujë. Zinxhiri i kostumit tim ishte harruar hapur dhe i gjithë uji u fut brenda. 

Ishte një skenë ku personazhi im zhytet në ujë dhe bllokohet. Pas rreth 10 sekondash, kostumi është plot me ujë por vazhdova normlisht skenën time”.

Aktorja rrëfeu se gjatë këtij xhirimi ajo filloi të ndjente jo vetëm të ftohtin, por një ndjenjë të të qenit disi e çorientuar duke rrezikuar kështu të kalonte në hipotermi. “Ndjeva si ndjesi shpimi gjilpërash dhe gjërat kishin filluar të mjegulloheshin“,- shtoi ajo.