Futbollisti i njohur Neymar dhe e dashura e tij Bruna Biancardi kanë njoftuar se janë në pritje të një fëmije.

Dyshja e ka bërë të ditur lajmin nëpërmjet një postimi të përbashkët në faqet e tyre në Instagram.

Neymar është tashmë baba i djalit Davi Lucca, 12 vjeç, nga lidhja e tij me Carolina Dantas.

Çifti ndau një disa fotografi të ëmbla që tregonin barkun tashmë të rrumbullakosur të Brunës.

“Ne ëndërrojmë jetën tënde, planifikojmë ardhjen tënde. Do t’i bashkohesh një familjeje të bukur, me një vëlla, gjyshër, xhaxhallarë dhe halla që tashmë të duan shumë. Ne po të presim”, ka shkruar çifti në Instagram.

Neymar dhe Bruna zyrtarizuan marrëdhënien e tyre në Instagram në janar 2022.