Zhaklina Lekatari në një intervistë televizive ka folur si rrallëherë edhe për jetën e saj private teksa është ndalur edhe në një rrëfim shumë emocional .

Ajo është shprehur se është ndjerë e dhunuar jo vetëm për komentet dhe kërcënimet lidhur me profesionain e saj por edhe gjatë lidhjes romantike 1-vjeçare me ish-partnerin.

“Ka qenë një marrëdhënie personale në të cilën unë jam ndjerë e dhunuar. Kjo histori personale ka qenë shumë e shkurtër, por ishte shumë intensive. Unë në atë moshë mendoja që unë isha një grua e fortë, isha feministe, i kisha kuptuar disa gjëra nga jeta, u gjeta totalisht e papërgatitur në atë dhunë. Dhe kuptova që unë nuk isha e fortë sa duhet”- tha Lekatari.

Zhaklina më tej deklaroi: Unë jam dhunuar sistematikisht. Jam dhunuar kur nuk jam respektuar në radhë, jam dhunuar kur nuk është respektuar opinion im, jam dhunuar kur nuk është respektuar prezenca ime në punë, jam dhunuar kur fjala ime nuk ka peshë sepse është fjala e një gruaje. Jam dhunuar në këtë vend. Vazhdoj e dhunohem. Nuk mund të them se nuk jam dhunuar sepse dal në televizor. Jo, nuk është e vërtetë. Komentet që unë marrë janë e gjitha dhunë verbale.