Megi Pojani njihet si një ndër personazhet pa komplekse dhe që jo pak herë ka ngjallur debat me deklaratat apo sjelljet e publikuara prej saj në rrjetet sociale.

Së fundmi virale është bërë një video e saj teksa pastron varrin e stëegjyshes së saj por njëkohësisht bën dhe batuta dhe sjellje që për disa janë komentuar si të turpshme dhe ofenduese për një vend si varrezat.

E ftuar sot në “Wake Up”, Megi tregon si qëndron e vërteta dhe kërkon falje publike për herë të parë për të gjithë ata që janë prekur nga kjo video.

“Video ka 3 vite që është bërë. Unë jam zgjuar në mëngjes me të gjithë çmendurinë që po ndodhte gjithandej nëpër rrjetet sociale, nëpër portale dhe unë nuk kam guxuar ta hap videon dhe të them të drejtën kjo më ndodh shumë herë, me shumë materiale që mund të publikohen, thjesht refuzoj t’i shikoj. Unë kam kërkuar ndjesë për këtë video sepse ka një tranzicion që unë kam ndjekur si personazh e si njeri. Unë kam filluar të postoj në rrjetet sociale shumë vite më para dhe nuk e kuptoja atë herë as përgjegjësinë e të paturit një platformë sociale, pra e shfrytëzoja thjesht për t’u argëtuar.

Unë i kërkoj falje njerëzve që dhimbjen e humbjes së njeriut të dashur e kanë të freskët. I kërkoj falje njerëzve që akoma nuk e kanë kaluar atë tronditjen e madhe dhe dhimbjen e madhe të mos paturit më pranë një njeri që e kanë dashur fort. I kërkoj falje dhe atyre njerëzve që janë të ndjeshëm në atë vend. Por më duhet të shpjegoj diçka për mënyrën se si unë e kam parë këtë gjë dhe pse e kam bërë”, u shpreh ajo.