Kim Kardashian është një nga personazhet televizive më të famshme në mbarë botën, duke filluar me “Keeping Up With The Kardashians”.

Ylli televiziv 42-vjeçar  ka themeluar disa biznese të suksesshme, duke përfshirë KKW Beauty dhe SKIMS, të cilat e kanë bërë atë një nga gratë më të pasura në botë.

Ajo gjithashtu është marrë me aktrim, modelim dhe dizajn mode, duke punuar me disa nga emrat më të mëdhenj në industri.

Pavarësisht kësaj, ajo po mendon të largohet nga televizioni dhe të merret ekskluzivisht me drejtësinë.

Në maj 2019, ajo zbuloi se po studion për t’u bërë juriste, duke ndjekur hapat e babait të saj, Robert Kardashian. Në dhjetor 2021, Kardashian njoftoi se kaloi provimin e studentit të vitit të parë të drejtësisë, i njohur edhe si “baby bar”.