Rrjete sociale keqpërdoren nga disa persona të cilët publikojnë lajme të rreme për të rritur ndjekës e angazhime në një llogari.

Së fundmi në “TikTok” ka bërë xhiron një foto e Ronaldo Sharkës në të cilën shkruhej: “Vëllai jonë qosh i xhehnetit”, duke lënë të kuptohet se ka ndërruar jetë.

Lidhur me këtë lajm të rremë ka reaguar ashpër edhe vetë ish-banori i “Big Brother VIP” ku shprehet se ata që shpikin gjëra të tilla janë “të sëmurë mendorë, njerëz të lig”.

“Të sëmurë mendor, njerëz të lig. Hiqjani telefonin këtyre kalamajve që përdorin TikTok dhe bëjnë shaka të tilla, dhe aq më tepër me një njeri që ende ka të freskëta imazhet e vdekjes së të atit”, shkruan i prekur ish-konkurrenti i BBV.