Këngëtarja Greta Koçi ka treguar më shumë detaje rreth martesës së saj dhe partnerit me të cilin po ndan jetën.

Ajo ka treguar se bashkëshorti i saj është shqiptar nga veriu i vendit, identitetin e të cilit do vazhdojë ta ruajë për shkak se ai nuk i përket botës së showbizit.

“Nuk kam bërë një ceremoni dasme. Duhet të jetë një moment magjik për të gjitha vajzat. Do të doja të bëja diçka ndoshta të ardhmen. Kam dashur gjithmonë që ta mbaj private këtë pjesën e familjes duke qenë se kam një bashkëshort që nuk është VIP dhe nuk i përket botës së showbizit, kam dashur që të jem pak më diskrete, por e kam pranuar që jam martuar dhe tani jam shumë e lumtur dhe shumë e qetë. Rreth 4 vite që jemi martuar, jetojmë në Amsterdam. Bashkëshorti im është inxhinier, nga Shqipëria. Koha e tij është e zënë shumë, e imja po ashtu”, u shpreh ajo.