Almeda Abazi dhe Tolgahan Sayisman janë një nga çiftet më të dashura për publikun shqiptar dhe jo vetëm.

Lidhur me karrierën e tyre si aktor dhe personazhe aktiv në media bukuroshja Abazi ka deklaruar se shpeshherë nuk ka patur zgjedhje të lehta.

Ajo ka treguar se partneri i saj turk Tolgahani është shumë xheloz dhe se asaj i është dashur të refuzojë dy projekte shumë të rëndësishme për hir të këtij problemi.

“Kam patur dy projekte shumë të mira për telenovela, ishte skenar shumë i bukur në fakt, por Tolga nuk e pranoi sepse kishte shumë skena dashurie. Ai toleron shumë gjëra, por këtë gjë nuk e pranon”, ka treguar ajo në një intervistë.

Nga ana tjetër ajo ka treguar me sinqeritet se as ajo nuk është ndjerë komode për partnerin e saj në të njëjtat rrethana.

“Nuk mund të them që bëhem xheloze, por ndonjëherë, kur bëhet fjalë për skenat e dashurisë, nuk është diçka e bukur për mua. Sillem sikur s’ka ndodhur fare”, u shpreh ajo.