Detajet e testamentit dhe pasurisë së Matthew Perry janë zbuluar pesë muaj pas vdekjes së aktorit. Sipas dokumenteve të siguruara nga Page Six të hënën, ylli i “Friends” emëroi Lisa Ferguson dhe Robin Rozan për të bashkëadministruar pasurinë e tij prej 1 milion dollarësh. Në testamentin e krijuar në vitin 2009, Perry vendosi babanë e tij John dhe nënën, Suzanne Morrison, si përfitues së bashku me gjysmë motrën e tij, Caitlin Morrison dhe ish-partneren e tij, Rachel Dunn.

Sipas testamentit, ai zotëronte 1,030,000 dollarë prona personale. Ylli, i cili vdiq pa pasur fëmijë, kishte një kusht në testamentin e tij. Çdo fëmijë që mund të vinte pas vitit 2009 nuk kishte të drejtë të marrte pjesë të pasurisë së tij. Ferguson do të paraqitet në një dhomë të Gjykatës së Lartë të Los Anxhelosit më 10 prill për një seancë verifikimi, pasi Rozan vendosi të mos bashkëadministrojë pasurinë e Perry-t. Rozan ishte producente ekzekutive në serialin televiziv ‘Celebrity Liar’ kur Perry u paraqit si mysafir në 2010-ën. Aktori u gjet i vdekur në pishinën e shtëpisë së tij në Pacific Palisades, Kaliforni më 28 tetor 2023, në moshën 54-vjeçare.

Një raport i autopsisë nga Zyra e Ekzaminuesit Mjekësor të Qarkut të Los Anxhelosit zbuloi se ai vdiq nga efektet akute të ketaminës dhe vendosi se vdekja e tij ishte aksidentale.