Me sy të skuqur dhe duar të fryra. Kështu u shfaq Mbreti Charles në mesazhin e tij të parë të Ditës së Komonuelthit pasi u diagnostikua me kancer dhe filloi pesë javë trajtim.

“Komonuelth është si instalimet elektrike të një shtëpie dhe njerëzve të saj, energjia dhe idetë tona janë rryma që përshkon ato tela. Së bashku dhe individualisht, ne forcohemi duke shkëmbyer këndvështrime, përvoja dhe duke ofruar e huazuar mënyrat se si jemi përballur me sfidat e kohës sonë.”, dëgjohet të thotë mbreti.

Mbreti Charles ka shprehur përkushtimin e tij për të vazhduar t’i shërbejë Britanisë. Fjalimi i tij prej 615 fjalësh ishte regjistruar më përpara.

“Gjatë javëve të fundit jam prekur nga mendimet dhe dëshirat tuaja për shëndetin tim dhe unë nga ana ime mund të vazhdoj t’ju shërbej sa më mirë që mundem. Nuk kam asnjë dyshim se ne do të vazhdojmë të mbështesim njëri-tjetrin në të gjithë Komonuelthin, ndërsa vazhdojmë rrugëtimin së bashku.”, tha monarku britanik.