Aktorja amerikane Olivia Munn ka zbuluar se është diagnostikuar me kancer gjiri vitin e kaluar dhe ka pasur katër operacione në 10 muajt e fundit. Përmes një postimi në Instagram, ylli 43-vjeçar tha se operacionet e saj kishin përfshirë një mastektomi (operacion për të hequr të gjithë indet e gjirit). Munn tha se kanceri ishte agresiv dhe i shpejtë, por u kap me kohë. Ajo shtoi se kishte dëshiruar të kalonte pjesët më të vështira përpara se të ndante lajmin. Lajmi për diagnostikimin me kancer, vjen tre ditë pasi ajo mori pjesë në Oscar me partnerin e saj, komedianin John Mulaney. Ata kanë djalin dyvjeçar Malcolm. Aktorja, e cila është shfaqur në Magic Mike, Iron Man 2 dhe X-Men: Apocalypse, tha se mësoi për kancerin pas testimit për 90 gjene të ndryshme të kancerit dhe duke shkuar për një mamografi.

Duke ndarë mesazhin e saj krahas fotove dhe një video nga spitali, ajo shkroi: “Luminal B është një kancer agresiv. Tridhjetë ditë pas asaj biopsie bëra një mastektomi të dyfishtë. Një ditë u ndjeva plotësisht mirë, në një ditë u zgjova në spital pas një operacioni 10 orësh. Jam me fat. Ne e kapëm me kohë të mjaftueshme sa që kisha mundësi”.