Këngëtarja britanike e pop-it, Lily Allen ka deklaruar se të pasurit fëmijë po shkatërrojnë totalisht karrierën e saj. Kur u pyet në podkastin e Radio Times nëse duhej të rimendonte strategjinë e saj të karrierës pasi kishte fëmijë, Allen u përgjigj: “Unë kurrë nuk kam një strategji kur bëhet fjalë për karrierën, por po, fëmijët e mi e shkatërruan karrierën time. Dua të them që i dua dhe më kompletojnë”.

“Me të vërtetë më mërzit kur njerëzit thonë se mund t’i kesh të gjitha, sepse, sinqerisht, nuk mundesh. Disa njerëz zgjedhin karrierën e tyre mbi fëmijët e tyre dhe kjo është prerogativa e tyre”, shtoi ajo.

Allen suksesin emë të madh në MB e ka pasur me tre hite numër një dhe 15 në Top 40. Albumi i saj debutues “Alright Still”, i cili përmbante “Smile” dhe “LDN”, e katapultoi atë në famë dhe rezultoi në një nominim për albumin më të mirë muzikor alternativ në Grammy Aëards 2008. Allen, 38 vjeç, tha se zgjodhi të tërhiqej nga karriera e saj dhe të fokusohej në rritjen e dy vajzave të saj, sepse prindërit e saj nuk ishin shumë prezent në fëmijërinë e saj.

“Ndjehem sikur kjo me të vërtetë la disa plagë të këqija që nuk jam e gatshëme t’i përsëris tek fëmijët e mi. Zgjodha të tërhiqem dhe të përqendrohesha tek ata dhe jam i kënaqur që e kam bërë këtë sepse mendoj se ata janë njerëz mjaft të mirëkuptuar”, përfundoi ajo.