Celine Dion po fokusohet tek familja dhe e ardhmja e saj, teksa vazhdon të jetojë me një sfidë shëndetësore. Këngëtarja kanadeze është diagnostikuar me sëmundjen e pashërueshme neurologjike SPS e cila bën që muskujt e saj të tensionohen në mënyrë të pakontrolluar. Dion ka treguar se kjo është ndër përvojat më të vështira të jetës së saj, duke theksuar se është e vendosur që një ditë të kthehet në skenë dhe të jetojë një jetë sa më normale të jetë e mundur.

Sindroma (SPS) është një gjendje e rrallë neurologjike që shkakton spazma dhe ngurtësi të muskujve, me ndjeshmëri të shtuar ndaj stimujve si zëri dhe shqetësimi emocional. Dion ndau për herë të parë diagnozën e saj në vitin 2022. Që atëherë ajo nuk ka marrë pjesë më nëpër turne dhe performanca live.