Françeska është surprizuar dje në BBVIP pasi është takuar me gjyshen e saj. Pas surprizës banorja u shpreh se ndihej e vetmuar në shtëpi, duke theksuar se dhimbjen që ndjen me mungesën e djalit të saj, do ta kthejë në forcë për lojën në BBVIP.

Pjesë nga biseda:

Françeska: Në shtëpi ndodhemi në një situatë ku brenda një dite mund të kalosh shumë emocione dhe ndonjëherë ngarkesa e madhe dhe emocioni bëhen shumë. Por unë jam shumë mirë dhe të gjithë këtë dhimbje që kam, mundohem ta kthej në forcë.

Ledioni: A ke ndonjë njeri me të cilin mund të flasësh aty Françeska sepse ndonjëherë të shoh që mundohesh të flasësh me banorët aty brenda dhe të kthejnë krahët.

Françeska: Me thënë të drejtën ndihem shumë e vetmuar Ledion. Unë vij nga një familje dhe shtëpi me shumë dashuri dhe këtu kam gjetur vetëm shpatulla të kthyera që gjithë kohën më thonë ik. Ik andej, mos fol, ik, foli kjo, u fut si pykë dhe mblidhen. Unë e kam thënë shpesh që nga ky format dua vetëm një gjë, që ta shijoj dhe as nuk e mendoj fare çmimin e madh. Dua ta shijoj dhe të përfitoj më të bukurën nga ky format. Dhimbja ime më e madhe ka qenë se kam lënë djalin tim të vockël jashtë. Kur ti e lë copëzën e zemrës tënde jashtë dhe vjen këtu dhe pritesh nga shpatulla të kthyera është shumë e vështirë. Shpesh e pyes veten pse jam këtu, për çfarë kam ardhur këtu? Pse e kam lënë jetën time kaq të bukur jashtë, për t’u nënçmuar nga këta njerëz këtu, për tu ulur shpesh duke më tallur dhe duke më thënë ‘hë moj u bullizove ti’, ‘hë moj sa e frikshme je’, ndërkohë kam dalë ndoshta shumë e keqkuptuar nga banorët sepse nuk më lënë të flas për të dalë te e vërteta ime”, tha Françeska.