E ftuar në emisionin ‘Cherry On Top’ Nevina Shtylla foli për jetën profesionale dhe pak për atë personale. Sigurisht, nuk do të shpëtonte pa pyetjen e famshme: ‘Kur do të martohesh?’ dhe ajo u përgjigj.

Thashetheme, – thotë Nevina dhe qesh. – Po e morët ju përsipër, jam gati. Më duket impenjim i jashtëzakonshëm organizimi i dasmës. E kam menduar dy-tre herë, mund të kem vendosur me mendje ndonjë datë, por sa nis të mendoj për listën e të ftuarve, ku do të ulen dhe si do të bëhet, e marr me stres.

Gjithashtu, ajo u shpreh se me partnerin e saj ‘është rritur’ dhe ai e mirëkupton në profesionin e saj.

Kemi qenë miq në fillimet tona. Mund të them që jemi rritur bashkë. Ai ka qenë një shtysë e fortë në rrugëtimin që kam pasur. Ndërkohë që rritesha në ekran ai më mbështeste. Për fat të mirë i mirëkupton problematikat që lidhen me profesionin tonë  dhe nuk është xheloz. Është profil krejt ndryshe, nuk ka lidhje me artin.