Angelina Jolie dhe vajza e saj Vivienne janë shfaqur mbrëmjen e djeshme në tapetin e kuq, për premierën e shfaqjes në Broadway, The Outsiders. Jolie dhe vajza 15-vjeçare u fotografuan së bashku në teatrin Bernard B Jacobs në Nju Jork. Ishte shfaqja e parë në tapetin e kuq që Vivienne ka bërë që nga viti 2021, kur ajo shoqëroi nënën dhe vëllezërit e motrat e saj në premierën e filmit Marvel të Jolie, Eternals. Jolie, 48-vjeç kishte veshur një pelerinë në ngjyrë bronzi me një fustan mëndafshi të ngjashëm, të cilin e kombinoi me ngjyrën e kuqe në buzë. Ndërkohë vajza e saj kishte veshur një jumpsuit blu, duke e përshtatur look-un e saj me Justin Levine, i cili është përgjegjës për librin, muzikën dhe tekstin e spektaklit. Vajza e saj ka marrë rolin e asistentes krah nënës së saj.

“Viv është një artiste e re që fokuson përpjekjet e saj në mbështetjen e saj ndaj të tjerëve. Ajo ka qenë atje për të ndihmuar në çdo mënyrë që mundet dhe ka mësuar shumë nga Justin Levine dhe i gjithë ekipi krijues”, tha Jolie për revistën People në tapetin e kuq.

Kjo nuk është hera e parë që Vivienne interesohet të ndjekë hapat e nënës së saj. Në vitin 2014, ajo luajti së bashku me yllin në Maleficent. The Outsiders, i cili do të vazhdojë deri në shtator, bazohet në romanin e SE Hinton të vitit 1967 rreth bandave rivale që merren me pasojat e vdekjes së një anëtari në Oklahoma në 1964.