Të gjithë u magjepsën nga 23-vjeçarja Finnegan, një nga shtatë mbesat-nipërit e presidentit demokrat të SHBA-së Joe Biden, e cila bëri një paraqitje surprizë në darkën shtetërore të organizuar nga gjyshi i saj të martën mbrëma në Shtëpinë e Bardhë për nder të kryeministrit japonez, Fumio Kishida.

Shumë të ftuar pyesnin se kush ishte biondja bukuroshe. Mbesa e Biden përshëndeti 200 të ftuarit e gjyshit të saj: mes tyre ishin çifti Bill Clinton, aktori i njohur Robert De Niro, shefi i Apple, Tim Cook dhe themeluesi i Amazon, Jeff Bezos i shoqëruar nga partnerja e tij seksi, Lauren Sanchez. Fustani i bukuroshes Finnegan kishte shumë të përbashkëta me atë të zgjedhur nga partnerja e “Mr Amazon”, vetëm 23-vjeçarja ishte më elegante.

Finnegan ka një marrëdhënie jashtëzakonisht të ngushtë me gjyshin e saj, të cilin e quan “Pop”. Edhe para se të diplomohej në Universitetin e Pensilvanisë në vitin 2021, ajo shoqëronte vazhdimisht gjyshërit e saj në daljet publike.