Sot princ Louis feston 6-vjetorin e lindjes dhe në këtë ditë të veçantë për të nuk kishte si të mungonte as urimi i prindërve, Princesha Kate dhe Princ Ëilliam. Princesha e Uellsit ka ndarë një foto të princit në rrjetet sociale, ku krahas saj, shkruan: “Gëzuar ditëlindjen e 6-të princ Louis”.  Po ashtu princesha ka falënderuar të gjithë dashamirësit e familjes mbretërore, të cilët kanë uruar princ Louis për ditëlindjen.

“Faleminderit për të gjitha urimet e mira sot”, shkruan më tej princesha.

Por ndryshe nga vitet e kaluara, nuk dihej deri pak më parë nëse familja mbretërore do të ndante një foto të re të princit në këtë përvjetor, si pasojë e problemeve shëndetësore me të cilat po përballet Princesha e Uellsit.  Sipas Sky News, ndryshe nga herët e fundit kjo foto e realizuar nga princesha është e pa edituar apo e montuar.

Kujtojmë se pak javë më parë princesha e Uellsit njoftoi se është diagnostikuar me kancer dhe dëshiron që këtë periudhë delikate ta kalojë në privatësi, pranë familjes së saj të vogël.