Një dasmë që përlot të gjithë është organizuar brenda spitalit në Andulazi, Spanjë. Dashuria e dy të rinjve që u përballën me shumë sfida, është kurorëzuar falë ndihmës së doktorit spanjoll Raquel Rosto i cili rrëfen detaje nga kjo ditë, duke ndarë edhe pamje në rrjetet sociale.

“Një ekip i tërë, duke përfshirë mjekë dhe infermierë, punuan shumë për ta bërë këtë ditë të veçantë” ishte mënyra sesi doktori rrëfeu dasmën midis një pacienti të sëmurë dhe të fejuarës së tij.

Punonjësit e kujdesit shëndetësor i kushtuan vëmendje çdo detaji, duke mos i lënë asgjë rastësisë: nga lulet te fustani, nga orizi te muzika. Gjithçka ishte rregulluar në mënyrë që për një moment të gjithë të mendonin vetëm për kurorëzimin e dashurisë së çiftit.

“Sot u preka kur i pashë se sytë i ndriçonin. E dua. Është e qartë se nuk ka asgjë të pandalshme nëse bëhet me vullnet”, shkroi Raquel Rostro, krahas videos në Instagram.

Në video shihet nusja e përlotur teksa mbante buqetën në njërën dorë dhe përqafon dhëndrin, duke ecur përgjatë korridorit të spitalit mes mjekëve dhe të ftuarve.