Evi Reçi dhe Kledi Hysa do të bëhen prindër për herë të parë. Çifti së fundmi kanë zbuluar edhe gjininë e bebit dhe do të jenë prindër të një çuni. Lidhur me shtatzëninë, Evi ka rrëfyer se në dëshirën e tyre ka qenë që të bëhen prindër shpejt, ndërsa për gjininë se kanë menduar fare.

“Gjininë nuk e kemi pasur fare temë kryesore. Por, parandjenja ishte që e kishim djalë. Kledin mund ta lije deri në lindje dhe nuk donte ta dinte gjininë, nuk e kishte aspak të rëndësishme, donte vetëm shëndetin e tij të plotë dhe nuk kishte preferenca. Unë, nga ana tjetër, i thashë një mikeshës sonë, e cila na ndihmoi me analizat, ta shikonte dhe të na sillte një tortë me ngjyrën e gjinisë së bebit. Nuk bëra asnjë festë madhështore për “gender reveal”. Ajo thjesht më solli tortën, ne e hapëm dhe zbuluam ngjyrën blu. U gëzova shumë, se e doja një çun, nuk e di pse, ndoshta prej natyrës sime. Kledi duke qeshur tha vetëm këtë: “Tani po që do më lini mënjanë, se çunat bëjnë pas mamit, të ishte gocë do ta kisha për vete’’, rrëfen Evi për Living.