Një ekip studiuesish në Universitetin Aberystwyth, Britani kanë nisur kërkimet për t’i rritur vlerën ushqyese bukës së bardhë. Ata po studiojnë procesin e bluarjes dhe përzierjes, ku miellit të grurit mund t’i shtohen bizele, fasulet dhe tërshëra. Iniciativa e këtij projekti lidhet me përpjekjet për të përmirësuar cilësinë e ushqimit, pasi buka e bardhë ka më pak fibra se buka me drithëra, integrale ose bukë e zezë.

Këshilla e tyre për ata që preferojnë bukën e bardhë është të kërkojnë opsione me fibra më të larta.

“Shpresojmë se kjo punë mund të ndihmojë në krijimin e një diete më të shëndetshme për shumë njerëz”, shprehet studiuesi Chris Holister.