EAGLES LAND F.C – Albanian International Sport Excellence
“Albanian International Trend Awards” vjen në Londër më 16 qershor 2024 me prezantimin e bizneseve me te shquara shqiptare ne te gjithe botën.
LONDËR, 16 Qershor 2024 – Në një mbrëmje plot shkëlqim dhe emocion, “Albanian International Trend Awards” (AITA) do të zhvillohet në Londër më 16 qershor 2024. Ky event do të mbledhë bizneset dhe sipërmarrësit , aktivistet , shqiptarë nga e gjithë bota për të festuar arritjet dhe për të nderuar ata që kanë treguar një nivel të lartë të shërbimit dhe cilësisë në komunitetin ndërkombëtar.
“Çmimet e Ekselencës” do t’u dhurohen kompanive shqiptare që kanë spikatur me performancën e tyre të jashtëzakonshme. Kjo ngjarje do të shërbejë si një platformë e shkëlqyer për të vlerësuar dhe promovuar suksesin e sipërmarrësve shqiptarë në skenën globale.
Një nga bizneset që bie në sy në këtë event është kompania “EAGLES LAND FC” e cila është vlerësuar me një nga çmimet “Business Excellence”. ky subjekt është dalluar për arritjet e saj të jashtëzakonshme dhe për kontributin e saj të rëndësishëm në industrinë ku operon.
Ndjekim më poshtë prezantimin e “EAGLES LAND FC”
“Eagles Land F.C.”, ose “Vendi i Shqiponjave”, është një emblemë që përfaqëson shqiptarët përmes sportit më të dashur, futbollit. Ky ekip shqiptar u krijua në vitin 2019 si një klub gjysmë-profesional dhe përfaqëson zyrtarisht Shqipërinë në turneun ndërkombëtar “InnerCity World Cup”, ku marrin pjesë 32 shtete nga e gjithë bota.
Jemi krenarë që shqiptarët kanë konceptuar këtë klub futbolli si një iniciativë që meriton mbështetjen e sipërmarrësve shqiptarë nga e gjithë bota. “Eagles Land F.C.” është një simbol i pasionit dhe përkushtimit që shqiptarët kanë për futbollin, duke sjellë me vete një frymë uniteti dhe krenarie kombëtare.
Me kënaqësi njoftojmë se “Eagles Land F.C.” është një nga fituesit e çmimeve të “Albanian International Excellence”. Ky klub na ka surprizuar vazhdimisht dhe presim me padurim finalen e madhe të “Albanian International Awards 2024”, ku “Eagles Land F.C.” do të na përfaqësojë me nder dhe krenari.
