Një stërgjysh britanik, i cili së fundmi u bë njeriu më i vjetër në botë thotë se peshku dhe patatinat çdo javë janë çelësi i jetëgjatësisë së tij.
John Tinniswood, 111 vjeç, tha se jeta e tij e gjatë është kryesisht për shkak të konsumimit të vaktit kryesor britanik dhe ngrënies së “çdo gjëje me moderim.”

Babai i një djali, i cili jeton në një shtëpi kujdesi në Southport, Merseyside e mori titullin këtë javë pas vdekjes së 114-vjeçarit Juan Vicente Perez, nga Venezuela. Guinness World Records e takoi Tinniswood në shtëpinë e tij të kujdesit për t’i certifikatën. Pasi zbuloi se ishte njeriu më i vjetër në botë, ai tha: “Nuk ka asnjë ndryshim për mua. Aspak.”

Z. Tinniswood lindi në vitin 1912, në të njëjtin vit që u mbyt Titaniku dhe që atëherë i ka mbijetuar dy luftërave botërore dhe një pandemie globale. Ai u takua dy herë me mbretëreshën Elizabeth II dhe iu dërgua një kartolinë për ditëlindje nga Mbreti dhe Mbretëresha vitin e kaluar.

Ai do të mbushë 112 vjeç më 2 gusht dhe tha se dita e dasmës së tij me Blodwen Tinniswood, në vitin 1942, ishte kujtimi i tij më i çmuar.