Rita Lati ka rrëfyer peripecitë e jetës, sesi iu desh të rriste e vetme vajzën e saj, Rozën dhe dhunën që ka përjetuar në familje.

Artistja e humorit ka treguar se sa herë është dhunuar dhe nuk ka pasur mbështetjen as të familjes apo kur i është dashur të fshije të nxirat në trup.

“Nuk e bëj kurrë Rozën fajtore për asgjë, e kam lë vetëm për shkak të punës. Roza bën dhe gabime por ato gabime janë të Ritës. Roza duhet të mendojë që jetën e saj ta shikojë me sy tjetër. Është rritur me kufizimin e familjes. I kam thënë Rozës do rritesh një ditë dhe do flasësh ti për mami, por jo të gjitha në Big Brother.

Unë doja të ikja, por mamaja ime thoshte vdis te burri. Publikun e kisha, Rozën e kisha, gjithë njerëzit më donin. Me të kuqe, jo sikur kisha ngrënë dru, por sikur isha mbuluar me puthje. Zhvishesha shumë herë në banjë kur isha në estradë se isha e nxirë. E kemi mbuluar, i kemi kaluar të tëra. Sa dilja në publik harroja çdo gjë”, tha Rita në Cherry on Top.