Këngëtarja Çiljeta Xhilaga është surprizuar nga nëna e saj në Ferma Vip, e ndërsa së fundmi i ishte nënshtruar seancës së parë së kimioterapisë. Pavarësisht sëmundjes zonja Majlinda dha një mesazh të fortë, që preku dhe emocionoi fermerët.

“Çiljetën e kanë cilësuar këtu si nënë Tereza, por nuk është keq të ecësh në frymën e Nënë Terezës dhe të japësh mirësi dhe dashuri. Të jetë këtu një pjesë e Kalkutës, ku shumë nga lojtarët po japin një mirësi dhe dashuri.

Të jetë ky një mesazh për të gjithë njerëzit që të japin dashuri. Më kënaqni të gjithë. Edhe pse nuk jam mirë, ju ndjek. Albano i ke dhënë një mesazh Çiljetës që më shëroj, të falënderoj. Elsa të falënderoj që i qëndron gocës kaq pranë”, tha mami i Çiljetës.

Ndërsa në fund të takimit vetë këngëtarja u shpreh:

“Mami është e vetmja që më ka ngelur. Babi ka ikur në qiell dhe Zoti të ma lërë sa më gjatë”.