ktorja Rita Lati ka rrëfyer jetën e saj si kurë më parë, nga karriera, tek divorci dhe ëndrrën më të madhe që ka sot. Një rrëfim jete, që nis në Orikum, si vajza që erdhi në familje pas dy djemve, e ku mori dashurinë e madhe të dy prindërve që kishin një ëndërr, të shihnin Riten aktore.

“Që të dilja në skenë. Mami dhe babi donin që të bëhesha artiste. Më pëlqente të recitoja e këndoja. Bija në sy për recitim që në shkollë. Konkurrova mes 300 fëmijësh nga Vlora, dola e para në Vlorë dhe erdha në Tiranë, në Shkollën e mesme të Artit. Kur konkurrova tek ‘Akademia e Arteve’ për dramë, ishim të gjithë të rinjtë në pritje për të hyrë në konkurrim dhe nuk po hynte asnjë. Dhe unë si nga Vlora që duam të jemi gjithmonë të parët, dola para dhe thashë “Do hyj unë”. Nuk futej njeri për provim. Unë dhe shoqja ime e ngushtë ishim veshur njësoj, me fund fanellatë me pika, bluzë rozë, të dyja njësoj.

Ngjanim çuditshëm si me veshje, ashtu edhe me vetëbesimin, që me dukej vetja fitimtare pa hyrë në konkurs. Babi me simite me djathë në dorë, më ndiqte që të haja më suportonte të bëhesha artiste. Që te rrapi më thoshte nga larg “Jo, mos hyr”, po unë hyra me një vetëbesim të madh. Në komision ishin 12 artistë të mëdhenj, që nga Sandër Prosi, Esat Oktrova, Drita Pelingu, etj, unë mbarova konkursin dola jashtë dhe u thashë të gjithëve: FITOVA. Ndërkohë që përgjigjja dërgohej në rrethe. Dhe në fakt unë vërtetë kisha fituar.”, tregon Rita.

Mes historive të bukura, Rita rrëfeu se ardhja në jetë e vajzës së saj, Rozës, ishte momenti më i lumtur pasi kishte pësuar një goditje të madhe.

“Momenti kur u bëra mama ishte me i lumturi. Kisha humbur një vajzë para Rozës dhe Roza u prit me shumë dashuri. Brenda vitit Zoti m’i mbushi duart plot. Roza ishte e shëndetshme dhe dukej identike si ajo. Njerëzit nuk e dinin se isha bërë nënë sërish. Roza ka qëndruar vetëm kur duhej të rrinte me mua. E merrte malli për mua. Unë isha gjithmonë me valixhen gati për ture. Roza u mbyll dhe kur më takonte nuk më ankohej për asgjë, po më thoshte vetëm gjërat e mira. Jeta e bëri ashtu siç është”, tregon Rita.

E pyetur se cila është ëndrra më e madhe, Rita tregon se është dëshira për t’u bërë gjyshe.

“Tani dua të bëhem gjyshe. Po vdes të bëhem”, tha Rita në Kurthin e Piter Pan