Jennifer Lopez ka anuluar turneun e saj “This Is Me… Live”, në SHBA. Lajmi është konfirmuar nga kompania e biletave e cila njoftoi se turneu veror 2024 i këngëtares është anuluar. Kjo pasi Lopez ka zgjedhur të marrë pak kohë për veten dhe të pushojë pranë fëmijëve, familjes dhe miqve të saj të ngushtë.

“Jam plotësisht e mërzitur dhe e shkatërruar që po ju zhgënjej. Nuk do ta bëja këtë nëse nuk do ta ndieja se ishte absolutisht e nevojshme.

Premtoj se do ta kompensoj dhe do të jemi sërish bashkë. Ju dua shumë të gjithëve. Deri herën tjetër”, tha ajo në një mesazh për fansat, biletat e të cilëve do të rimbursohen automatikisht. Turneu i Lopez do të niste nga Orlando më 26 qershor dhe do të përfundonte në Hjuston në fund të gushtit.