Koreja e Veriut dërgoi 150 balona me jashtëqitje kafshësh, letër higjienike dhe mbeturina mbi kufirin e saj jugor të mërkurën, duke bërë që Seuli të akuzonte regjimin e Kim Jong Un për veprime të ulëta.

Banorët që jetojnë në zonën kufitare u paralajmëruan të përmbahen nga aktivitetet në natyrë dhe të mos prekin asnjë objekt të dyshimtë pasi njësia ushtarake e armëve shpërthyese dhe ekipet e reagimit kimik dhe biologjik të luftës u dërguan në zonë.

Fotografitë në mediat e Koresë së Jugut treguan qese plehrash të lidhura me balona të mëdha të bardha që fluturonin mbi fusha dhe rrugë.

Shefi i Shtabit i Seulit, tha se objekte të paidentifikuara që besohet të jenë fletëpalosje propagandistike të Koresë së Veriut janë zbuluar në zonat ku kanë rënë balonat dhe se ushtria po ndërmerr veprimet e duhura.