Martin Cani që u vra dje gjatë një sherri jashtë shkollës, ishte një 14-vjeçar i talentuar, pjesë e të rinjve të skuadrës së “Dinamo City”. Klubi kryeqytetas ka reaguar së fundmi mbi ngjarjen e rëndë, duke thënë se janë thellësisht të tronditur.

Reagimi i klubit të Dinamos:

Jemi thellësisht të tronditur nga lajmi tragjik për ndarjen e parakohshme nga jeta të lojtarit tonë Martin Cani, pjesë e skuadrës U-15. Presidenti Adrian Bardhi dhe klubi FC Dinamo City i shprehin ngushëllimet më të sinqerta familjes Cani dhe i gjenden pranë në këto momente shumë të vështira. U prehsh në paqe Martin!, thuhet në reagim.