Gjykata e Vlorës ka vendosur masën e sigurisë “Arrest në burg” për 40-vjeçarin Rinald Rakipaj, i cili u arrestua dy ditë më parë me akuzat e rënda për “Marrëdhënie seksuale ose homoseksuale me të mitur” dhe “Nxitja për përdorimin e drogës”.

Ngjarja është regjistruar më 22 mars, ku Rakipaj dyshohet se ka abuzuar me një vajzë 15-vjeçare. Prokuroria kërkoi arrest në burg, kërkesë që u pranua nga gjyqtari Bevil Beqiraj, i cili caktoi masën e sigurisë ndaj të dyshuarit.Sipas hetimeve, 40-vjeçari dyshohet se, bashkë me një tjetër person të shpallur në ndjekje, ka nxitur tre vajza të mitura, të moshës 15 dhe 16 vjeç, të konsumojnë lëndë narkotike.

Autoritetet vijojnë hetimet për të zbardhur plotësisht rastin, ndërsa ngjarja ka shkaktuar reagime të forta në opinionin publik.