Shqipëria ka marrë një barazim të rëndësishëm në minutën e fundit përballë Kroacisë, me Klaus Gjasulën që shënoi për t’i dhënë pikën e parë kuqezinjve në këtë Evropian. Sfida nisi mjaft mirë për kuqezinjtë, të cilët gjetën rrugën e rrjetës që në minutën e 11’ me anë të Qazim Laçit pas një goditje me kokë.

Rastet ishin të shumta nga kuqezinjtë me Asllanin dhe Manajn, por pa arritur ta çonin në rrjetë. Por në minutën e ’74 dhe ’76 Kroacia shënoi dy golat ndaj Shqipërisë. I dyti ka qenë një autogol i Gjasulës, zëvendësim i Silvinjos në pjesën e dytë.