Federata serbe e futbollit i ka kërkuar UEFA-s dënimin e Shqipërisë dhe Kroacisë, lidhur me këngët që kënduan në kor tifozët e dy skuadrave në ndeshjen e djeshme.

Sekretari i Përgjithshëm i Federatës, Jovan Surbatoviç ka kërkuar që dy kombëtaret të dënohen ose në të kundërt Serbia nuk do të marrë pjesë në Kampionatet Evropiane.

“Kjo është skandaloze. Federata do t’i kërkojë UEFA-s që të marrë sanksione. Kjo kërkon dënimet më të rëndë në mënyrë që të mos përsëritet më. Do kërkojmë që UEFA të ndëshkojë rëndë grupet e Shqipërisë dhe Kroacisë. Ne nuk do të marrim pjesë në kompeticionin evropian nëse nuk dënohen keqbërësit. Presim dënime rigoroze”, tha Surbatoviç.

Ndërkohë mediat në Beograd shkruajnë se UEFA duhet të dënoj këto dy skuadra, pasi tifozët e tyre gjatë ndeshjes kanë brohoritur: “Vritni serbët” dhe “Serbët mbi shelgje”.

Vendimi nga UEFA do të shpallet në fund të javës.