Daniel Nurka, me origjinë nga qyteti i Fierit ka fituar edicionin e radhës “Survivor” në Greqi, me çmim 100 mijë euro. Shqiptari është shpallur fitues, mes shumë kandidatëve pas disa garave të ndryshme për 6 muaj. 27-vjeçari me profesion aktor është shqiptari i parë që fiton një program kaq të ndjekur në shtetin fqinj. Daniel Nurka ka lindur në Shqipëri por ka emigruar me prindërit, kur ishte 5-vjeç. Danieli e kaloi fëmijërinë në Kiato, ndërsa studioi për Teknik Rrjeti dhe Telekomunikacioni. Dy pasionet e tij janë aktrimi dhe futbolli.

Në një intervistë për mediat greke, Nurka tha: “Origjina ime është nga Shqipëria, kam lindur atje dhe kam ardhur në Greqi kur isha pesë vjeç. Racizmi ekziston. Të qenit racist për diçka që ndodh që nuk jeni është një formë ekstreme racizmi.

Unë kurrë nuk e kam fshehur origjinën time. Në shkollë kam ndjerë shpesh se jam ndryshe nga të tjerët sepse jam nga Shqipëria, por nuk më kanë bërë bullizëm”.