Princ Leka ka zyrtarizuar lidhjen me Blerta Celibashin, partneren e tij të re, shtatë muaj pas ndarjes nga gruaja e tij prej tetë vitesh. 42-vjeçari ndau në Instagram, foto krah fotografes Blerta Celibashi, nga darka gala që synonte forcimin e lidhjeve mes sipërmarrësve shqiptarë dhe amerikanë. Zyrtarizimi vjen pasi Leka dhe Elia Zaharia, të cilët u martuan në vitin 2016 dhe janë prindër të vajzë së tyre, Geraldinë, njoftuan ndarjen në janar.

Ndarja e tyre çoi në një seri ngjarjesh, ku dyshja morën urdhër-mbrojtje pas një sherri mes tyre në pallatin mbretëror. Leka dhe Blerta pas zyrtarizmit të romancës, ndanë foton romantike, të kapur për dore para kamerës. Blerta mban një llogari private në Instagram, por ka një profil biznesi që shfaq punën e saj si fotografe, ku numëron mbi 30 mijë ndjekës.

“Kjo shënon fundin e një kapitulli për Lekën dhe Elian, dhe pavarësisht se ishte pretendues për një fron që nuk ekziston pas shpërbërjes së monarkisë shqiptare në 1943, princi dhe ish-bashkëshortja e tij magjepsëse kishin fituar zemrat e publikut që nga momenti kur ata u martuan 8 vjet më parë”, shkruan Daily Mail.

Mbi 20 familje mbretërore nga e gjithë bota, duke përfshirë Princin Michael të Kentit, i cili është kushëriri i dytë i mbretit Charles morën pjesë në ceremoninë luksoze. Elia dhe Princ Leka e quajtën vajzën e tyre Geraldinë, në nder të stërgjyshes së sa, Mbretëresha Geraldinë, e cila vdiq më 22 tetor 2002. Mbretëresha Geraldinë ishte e martuar me Mbretin Zog I, i cili ishte monarku i parë i Shqipërisë pasi fitoi pavarësinë nga Perandoria Osmane, por u largua nga atdheu i tij në 1939 kur fashistët e Italisë pushtuan shtetin ballkanik.

Pavarësisht se monarkia ishte shpërbërë, djali i Zogut Mbreti Leka I mbeti kreu i Shtëpisë së Zogut dhe pretendues i fronit deri në vdekjen e tij në 2011 dhe u pasua nga djali i tij i vetëm, Leka II.

Princi i Kurorës, ndoqi Kolegjin Ushtarak Mbretëror Sandhurst dhe ka punuar si këshilltar i presidentit të Shqipërisë. Duke qenë se Leka II aktualisht nuk ka djem, trashëgimtari i tij aktual është Skënder Zogu, kushëriri i tij i parë. Princi ka punuar edhe si këshilltar në Ministrinë e Jashtme, Ministrinë e Brendshme dhe Zyrën e Presidentit Shqiptar, ndërsa Elia në Teatrin Kombëtar Shqiptar.