Aktorja Dame Maggie Smith, e njohur për filmat e Harry Potter dhe Downton Abbey, ka vdekur në moshën 89-vjeçare. Një legjendë e skenës dhe ekranit britanik, ajo fitoi dy Oscar gjatë karrierës së saj, njërin për The Prime of Miss Jean Brodie në 1970-ën dhe të dytin për California Suite në 1979-ën. Ajo kishte katër nominime të tjera dhe mori tetë çmime Bafta.
Familjarët bëjnë me dije se zonja Smith ndërroi jetë paqësisht në spital mëngjesin e sotëm.
Disa nga rolet e tjera më të paharrueshme të saj përfshijnë filmin e vitit 1985 të Merchant Ivory “A Room With a View”, në të cilin ajo luajti personazhin Charlotte Barlett, duke shoqëruar Lucy Honeychurch të Helen Bonham Carter në Itali. Me këtë rol ajo fitoi nominimet për një Oscar dhe një Golden Globe. Karriera e saj filloi në teatër, por fitoi nominimin e parë Bafta në melodramën e vitit 1958, Nowhere to Go.
Në vitin 1963, asaj iu ofrua pjesa e Desdemona nga Laurence Olivier, për të luajtur përballë Othello-s, në Teatrin Kombëtar dhe dy vjet më vonë, u bë një film me kastin origjinal, dhe Smith u nominua për një Oscar