Ana e ndjeshme e Princeshës së Uellsit, Kate Middleton, u kap në kamera teksa ajo mirëpriti një 16-vjeçare që vuante nga një formë e rrallë dhe agresive e kancerit në Kështjellën Windsor me bashkëshortin e saj dhe trashëgimtarin e fronit britanik, William. Pallati Kensington ka shpërndarë foto të takimit të William dhe Kate me Liz Hutton.

16-vjeçarja postoi një listë me gjëra që do të donte të fotografonte në internet pasi u diagnostikua me një formë jashtëzakonisht të rrallë të sëmundjes. Princi dhe Princesha e Uellsit folën me ‘@fotografen adoleshente pasi e ftuan të bënte foto në Kështjellën Windsor duke përmbushur një nga dëshirat e saj.

Siç raporton rrjeti britanik Sky News, Kate, e cila së fundmi njoftoi se ka përfunduar një cikël kimioterapie pasi u diagnostikua me kancer në fillim të këtij viti, është fotografuar duke u përqafuar me 16-vjeçaren nga Harrogate.

Në një mesazh personal në rrjetet sociale, William dhe Kate shkruan: “Jemi të lumtur që takuam Liz-in në Windsor sot. Një fotografe e re, e talentuar, kreativiteti dhe forca e së cilës na frymëzoi të dyve. Faleminderit që ndani fotot dhe historinë tuaj me ne. W&C.”, thuhej në postim.