Kjo anije është nisur për të transferuar jashtë territorit të Italisë, dhjetë shtetas egjiptianë dhe gjashtë të tjerë nga Bangladeshi.

Largimi i tyre do të bëhet pasi këta shtetas me varka të improvizuara, ishin larguar nga brigjet libiane të Sabrata dhe Zuara.

Anija që pritet të sjellë një grup prej 16 emigrantësh mbërrin të mërkurën, 16 tetor.

Mediat e huaja bëjnë me dije se të mërkurën, ndalesa e parë do të jetë në portin e Shëngjinit, ku është ngritur vend kontrolli për identifikimin e emigrantëve të shpëtuar në det nga anijet italiane. Të gjithë do t’i nënshtrohen një kontrolli më të thelluar pas atij të kryer në bordin e anijes, për të verifikuar nëse plotësojnë kërkesat e kërkuara. Prej aty do të transferohen rreth njëzet kilometra më tej, në Gjadër.