Zander Mundy ndodhej në zyrën e tij kur dëgjoi lajmin se miliarderi Elon Musk po mbante një fjalim në Folsom, në shtetin amerikan të Pensilvanisë.

“Kur është djali më i pasur në botë?”, kjo ishte pyetja që i bëri vetes Mundy, sapo dëgjoi lajmin.

Me një popullsi prej pak më pak se 9,000 njerëz, Folsom është një vend i qetë. Banorët zakonisht i shmangen të folurit hapur për politikën e tyre. 21-vjeçari Mundy, i cili punon në në një kompleks apartamentesh, pranon se nuk kishte në plan të votonte në zgjedhjet e nëntorit.

Por sapo pa turmën, ndjeu entuziazmin dhe vendosi të merrte pjesë në fjalimin që po mbante Musk. Në kohën kur u largua nga shkolla, ai kujton se ishte anuar më shumë nga Donald Trump sesa nga Kamala Harris.

“Nëse dikush ju thotë se këto janë zgjedhjet që do të vendosin të ardhmen tonë, jo vetëm se kush do të jetë president për katër vitet e ardhshme, por si do të jetë bota. Unë mendoj se është shumë më shumë,” tha ai për BBC.

“Kjo ka rëndësi. Kjo është e rëndësishme”, shtoi ai.

Musk, i cili deri më parë përmendej si gjeni teknologjik, tani është zotuar për besnikëri të plotë ndaj Trump. 53-vjeçari ka investuar kohën e tij, njohuritë operacionale dhe xhepin, që Trump të dalë fitues në këtë garë presidenciale. Një gjë e rrallë në elitën e biznesit të vendit që tradicionalisht preferon të ndikojë në politikë përmes prapaskenës. Është një qasje që është krejtësisht e ndryshme nga CEO-t, tradicionalë, ku shumë prej të cilëve janë njohur për darkat e shtrenjta, mbledhjen e fondeve ose pritjen e donatorëve në shtëpitë luksoze në Hamptons.

Komiteti i Musk që mbështet Trump, America PAC ka shpenzuar deri më tani, më shumë se 119 milion dollarë (91.6 milion £). Për më tepër, vetë kontributet e Musk e bëjnë atë një nga donatorët më të mëdhenj individualë në garën presidenciale.

Investimi personal i Musk në fushatë është diçka që u vu re shpejt nga zoti Mundy.

“Vetëm kjo ishte tronditëse për mua. Që dikush do të shpenzonte vërtet kaq shumë kohë dhe para për të ndikuar tek votuesit. Kjo do të thotë se ai po e bën këtë për një arsye”, tregon ai.

Disa demokratë, si senatori i Pensilvanisë, John Fetterman, i kanë kërkuar partisë së tyre që të mos injorojë kërcënimin që paraqet zoti Musk përpara zgjedhjeve.

A janë të ligjshme dhuratat e Elon Musk?

Që nga fillimi i miratimit të Trump pas atentatit në Butler, Pensilvani, më 13 korrik, Musk është bërë një element i zakonshëm në fushatë, ku ai shpesh deklaron se vetëm Trump mund të shpëtojë demokracinë amerikane. Amerika PAC tani po jep 1 milion dollarë në ditë deri në ditën e zgjedhjeve për një votues të rastësishëm, pa marrë parasysh përkatësinë e tyre partiake, me kusht që ata të regjistrohen për të votuar dhe nënshkruar një peticion. Për shembull, në Harrisburg dhe Pittsburgh gjatë fundjavës, Musk prezantoi çeqe gjigante të stilit të lotarisë për fituesit, ndërsa turma brohoriste Elon.

Disa vëzhgues, kanë vënë në dyshim motivimin e tij dhe kanë sugjeruar që Musk dhe bizneset e tij do të përfitojnë nga një marrëdhënie me Trump. Midis këtyre vëzhguesve është Matt Teske, CEO i platformës së karikimit të automjeteve elektrike Chargeway. Sipas Teske, ndryshimi politik i Musk ka qenë i vështirë për shumë njerëz në industrinë e automjeteve elektrike, por nuk është befasi, që pas disa vitesh u bë aktiv në politikë.

“Unë mendoj se interesat e Musk janë përqendruar, kryesisht, rreth një sërë gjërash që janë të rëndësishme për bizneset e tij”, thotë zoti Tesks.

Profesori Gordon i Universitetit të Miçiganit është dakord. Ai thotë se Musk e sheh veten si një person që është frenuar nga rregullatorët dhe mendon se ndërhyrja e qeverisë ka ndrydhur zhvillimin e teknologjive ku ai është fokusuar, siç është drejtimi autonom. Nëse Trump fiton në nëntor, ai ka pranuar se Musk mund të mbikëqyrë uljen e kostove në qeverinë amerikane. Edhe nëse ai nuk e bën atë detyrë saktë, Musk mund të ketë një ndikim të fortë në vendimmarrjen e administratës. Musk, nga ana e tij, ka thënë se do të ishte i hapur ndaj idesë për të udhëhequr një departament të efikasitetit të qeverisë.

Ky pozicion, thonë demokratët, mund të paraqesë një konflikt kompleks interesi, duke pasur parasysh miliarda në kontratat qeveritare që Musk ka marrë për SpaceX dhe Tesla.

“Kjo është disi thellësisht joetike dhe e paligjshme”, thotë Lenny Mendonca