Fituesja e Big Brother VIP Albania 3, Egla Ceno, ka folur për mëmësinë. Aktorja theksoi se ndryshe nga disa vite më parë, kur e priste një fëmijë, tani nuk e pret më. Sipas saj, nuk është e njëjtë të jesh nënë në moshën 20-30 vjeçare, me moshën 40-60 vjeçare.

“Dua të jem e sinqertë me ju, unë deri para disa vitesh edhe e mirëprisja një gjë të tillë. Por nga 40 vjeç e pak, nuk do të doja të më ndodhte më. E dini pse? Sepse mendoj se një fëmijë nga nevojë për gjithë fuqinë fizike, përqendrimin tënd. Nuk është njësoj si të jesh nënë 20, 25, 30 vjeçe dhe të jesh nënë 40, 50 apo 60 vjeçe. Nuk është njësoj sepse fuqia është ndryshe, përqendrimi është ndryshe, lodhja është ndryshe dhe sinqerisht nuk do të doja të isha gjyshja e fëmijës tim. Do të doja të isha mami i fëmijës tim. Por ky është një vendim personal”-tha Egla në “Goca dhe Gra”.