Vajza e dashur e Donald Trump, Ivanka dhe bashkëshorti i saj Jared Kushner kanë qëndruar larg syrit të publikut në fushatën elektorale të të atit. Kushnerët kanë vendosur prej kohësh të qëndrojnë larg Shtëpisë së Bardhë. Praktikisht në mungesë të fushatës së babait të saj, nëna e tre fëmijëve Ivanka Trump ishte në krah kur ai mbajti fjalimin e fitores në Palm Beach.
E veshur me një kostum blu prej kadifeje, Ivanka, e cila është fëmija më i madh i Trump, tërhoqi sërish të gjithë vëmendjen në Florida. Siç raporton Daily Mail, shumë njerëz komentuan kostumin blu prej kadifeje të Ivankës në natën e zgjedhjeve. Dhe disa gojë të liga nxituan të thoshin se ajo do të preferonte një fitore për rivalen politike të babait të saj, Kamala Harris. “Nga të gjitha ngjyrat. .. pse veshi blunë (ngjyrën e demokratëve)?”, pyet një ndjekës në rrjetet sociale.

“A ka veshur vajza e Trump një nuancë të blusë së demokratëve? Dhe ajo qëndroi shumë larg Trump-it dhe pjesës tjetër të familjes…”, tha një ndjekës në Platformën X. Ndaj tani pyesin veten nëse ajo do të jetë një nga drejtueset në administratën e re të Trump?
Vajza simpatike e manjatit amerikan ishte në qendër të fushatës së babait të saj në 2016-ën dhe 2020-ën. Ajo u përfshi në mënyrë aktive në fushatën presidenciale të vitit 2016, dhe kaloi pragun e Shtëpisë së Bardhë në 2017-ën për ta ndihmuar nga afër.
“Jivankas”, siç i quajnë shumë nga bashkimi i emrave të tyre, qëndruan në detyrë deri në vitin 2021, kur i mbaroi mandati i Trump-it.
Dhe ndikimi që ata patën te Donald Trump nuk mund të kundërshtohet nga askush. Për Ivankën është thënë prej kohësh se ajo ishte “Zonja e Parë” e SHBA-së dhe jo njerka e saj, Melania Trump.