Kantautorja Tanea Wallace ka bërë zbulime për festat e famshme të Diddy ‘Freak-Offs’, duke lënë të kuptohet se në to kanë qenë të pranishëm edhe të mitur. Në emisionin e ri të “TMZ Presents: The Downfall of Diddy: Inside the Freak-Offs”, këngëtarja përshkruan përvojën e saj në një nga festat e 2018-ës.

“Unë isha në një nga festat e Diddy’s Freak-Offs në 2018-ën. Pashë në të djathtën time dhe thashë: Janë xhuxha? Ata po përpiqeshin ta fshihnin atë që po bënin. Ishin shumë të mbledhur së bashku.” Ajo theksoi se në fund nuk bëhej fjalë për xhuxha, por për njerëz të vegjël që kishin vënë buzëkuq dhe ishin veshur shumë seksi.”

Kur themeluesi i TMZ, Harvey Levin e pyeti se çfarë po bënin “njerëzit e vegjël”, ajo hezitoi të përgjigjej, duke thënë në fund se ata po përpiqeshin të mbulonin atë që po bënin. Përveç kësaj, ajo vuri në dukje se ata nuk duhej të ishin në festë, e cila ishte për të rriturit. Kur Levin e shtyu të përgjigjej nëse këta “njerëz të vegjël” ishin të mitur, ajo përsëri shmangu të jepte një përgjigje të drejtpërdrejtë, duke i kërkuar Levinit të lexonte midis rreshtave për të mos hyrë në telashe.

“Nuk dua të them se kam qenë dëshmitare e gjërave të çmendura si këto, por ne të gjithë kemi arsye të shëndoshë,” tha Wallace, duke shtuar: “Njerëzit e vegjël që nuk duhet të ishin atje. Është turp”.

Intervista vjen vetëm disa ditë pas akuzave për “Freak-Offs”, në të cilat disa njerëz raportuan se ishin droguar, përdhunuar dhe sulmuar seksualisht në festat e Cobbs.
Këto akuza konsiderohen në kuadër të akuzave të ngritura ndaj reperit për zhvatje, trafik seksual dhe abuzim.