Këngëtarja Jonida Maliqi ka paditur ish-bashkëshortin Gent Prizreni, pasi ky i fundit nuk i është përmbajtur detyrimeve ekonomike ndaj djalit të tyre, Dan. Maliqi ka deklaruar se biznesmeni nuk ka paguar pensionin ushqimor për djalin, me vlerë 2 mijë euro në muaj. Ndryshe nga sa kishin rënë dakord ai nuk ka depozituar shumën prej 2000 euro për pensionin ushqimor të së birit, por e ka ulur duke e çuar në 1500 euro.

“Në kohën kur është bërë marrëveshja djali nuk shkonte në shkollë. Marrëveshja nuk ka asgjë për shkollën dhe kishim rënë dakord që shpenzimet e ardhshme të djalit do të ndaheshin”, ka deklaruar Jonida për Newsboomb.

Madje, Jonida tregon se biznesmeni nuk është përgjigjur as për terapitë e së birit për të cilat, i është dashur që të përballet e vetme.