Victoria Beckham ka treguar së fundmi arsyen pse kurrë nuk buzëqesh në foto. Ajo ka rrëfyer se ky detaj lidhet me kompleksin e saj rreth lëkurës. Stilistja 50-vjeçare, mori vëmendje në rrjet pasi gjithmonë shfaqet duke mos buzëqeshur.- shkruan DailyMail.
Victoria është shprehur se është përballur me aknet në adoleshencë dhe për të ka qenë e vështirë të fitojë përsëri sigurinë në paraqitjen e saj. Në një intervistë për The Telegraph, Victoria tha se ndihej jo rehat kur bënte foto dhe nuk ndihej e lumtur brenda vetes për të dhënë një buzëqeshje.

Victoria tha: Ndoshta dukesha e ashpër në shumë foto, por nuk ndihesha rehat, prandaj. Dhe nuk ishin vetëm problemet me lëkurë që çuan deri tek paraqitja e saj serioze, por edhe dieta e rreptë.

Victoria ka një dietë mjaft të kufizuar, ku bashkëshorti i saj, David Beckham dikur tregonte se ajo ka ngrënë të njëjtin vakt çdo ditë për 25 vjet, peshk i pjekur dhe perime të ziera.