Një braziliane e quajtur Meirivone Rocha Moraes u martua në vitin 2018 me një kukull prej lecke. Që atëherë, ajo fitoi vëmendje të madhe në rrjetet sociale ku mijëra njerëz ishin të fiksuar pas videove që postonte. Një ndër to, është edhe ajo e dasmës.

Ajo thotë se burri i saj quhet Marcelo dhe me të po pret fëmijën e katërt. 37 vjeçarja thotë se sëbashku ata kanë sjellë në jetë 3 fëmijë të tjerë. (Që të qartësoheni, ata janë kukulla prej lecke po ashtu)

Megjithatë, kjo për Meirivonen s’ka shumë rëndësi. Ajo pretendon se ka bërë test shtatzënie, i ka të gjitha simptomat dhe se ky fëmijë po vjen surprizë.“Familja jonë po zgjerohet. Kam qenë e kujdesshme për të mos ngelur shtatzënë, por doktori më ka thënë se jam ekstremisht fertile. Nuk e di nëse do e përballojmë një fëmijë tjetër financiarisht, megjithatë Marcelo e ka pritur mirë”, thotë ajo.