Një aeroplan që u nis nga Kansas me 64 persona në bord ka rënë në lumin Potomac në Uashington të SHBA-së. Rrëzimi fatal erdhi si pasojë e përplasjes me një helikopter ushtarak, ku ndodheshin 3 ushtarë amerikanë.

•Përplasja ka ndodhur pranë pistës 33 në Aeroportin Kombëtar të Uashingtonit “Ronald Reagan” rreth orës 21:00 (të Mërkurën). Ende nuk dihet a ka të mbijetuar, ndërsa janë gjetur 30 trupa të pajetë.

•Ekuipazhet e emergjencës në Uashington DC po vijojnë prej orësh me kërkimet intensive në lumë. Sekretari Amerikan i Transportit ka deklaruar se janë gjetur 3 pjesë të aeroplanit “American Eagle Flight 5342” .
Dëshmitarë të aksidentit të tmerrshëm në SHBA thonë se panë “një dritë të bardhë në qiell”, pranë aeroportit. Ishte pikërisht ky momenti kur aeroplani u përplas me helikopterin ushtarak, duke u fundosur më pas në ‘lumin e akullt’. E gjithë zona që “gumëzhinte” nga zhurmat e avionëve, tashmë është pushtuar nga qetësia, teksa ekipet e shpëtimit vijojnë me punën.

•Për ngjarjen, ka reaguar edhe Presidenti i Shteteve të Bashkuara Donad Trump. “Jam informuar për aksidentin e tmerrshëm, Zoti i bekoftë shpirtrat e tyre!”, ka thënë ai në një deklaratë.