Na vjen keq xhinse, këtë sezon nuk jeni më në krye. Nëse verës i falim spontanitetin dhe veshjet sipas humorit (dhe vapës), vjeshta është ndryshe: kërkon uniforma të sigurta, komode dhe elegante. Deri dje, kjo do të thoshte xhinse + t-shirt. Por sipas Hailey Bieber, ka një “fitues” të ri: pantallonat e zeza të qepura mirë, një bluzë me qafën “sy” dhe këpucët e vogla me takë me majë.

Modelja u pa në Sushi Park, në një darkë me Kendall dhe Kylie Jenner, duke festuar billboard-in e saj të ri për markën e saj. Veshja ishte e thjeshtë, por perfekte: pantallona “cigare” paksa të shkurtra, një bluzë e bardhë me detajin e jakës, me mëngë treçerekëshe, sandalet me majë dhe çanta Jil Sander Goji në ngjyrë të zezë. Për të kompletuar pamje: syze optike super chic.

Dhe nuk është vetëm Hailey. Edhe Kendall Jenner, Kaia Gerber, Laura Harrier e të tjera vazja kanë hequr dorë nga uniforma klasike me xhinse, duke zgjedhur pantallonat e zeza që, ndryshe nga xhinsi, funksionojnë edhe në darka më formale, në restorante të mira, apo çdo rast kur kërkon të dukesh e kuruar, por pa shumë mundim.

Pse ky kombinim po fiton? Sepse është minimalist, por dukesh sërish si e pasur. Është praktik, por gjithmonë duket i sofistikuar. Dhe ndryshe nga xhinset, pantallonat e zeza nuk kanë nevojë për janë gjithmonë të duhurat për t’u veshur.