Ceremonia mortore e Eldion Kelmendit, vëllait të këngëtarit të njohur Gjesti, u shënua nga një moment emocional, kur Egli Tako u pa duke ngushëlluar dhe përqafuar Gjestin pranë varrit të të ndjerit. Ky moment i dhimbshëm, që shprehte mbështetje për familjen e viktimës, u shndërrua për disa në një mundësi për të dokumentuar skenën.

Në një fotografi të shpërndarë nga ceremonia, duket qartë se shumë të pranishëm e shfrytëzuan momentin për të filmuar ose fotografuar, duke i drejtuar telefonat e tyre ndaj ngushëllimeve mes familjarëve, një akt që ka ngjallur reagime të shumta në rrjetet sociale.

Për shumë, kjo sjellje është parë si një shkelje e rëndë e privatësisë dhe respektit për dhimbjen e familjes Kelmendi, duke theksuar se një ceremoni mortore nuk është vend për të regjistruar e ndarë momente intime të vuajtjes së dikujt. Shumë personazhe i kanë cilësuar si të papranueshme përpjekjet për të dokumentuar momente të tilla, duke theksuar se ka humbur ndjenja njerëzore.